Symbolar for metrikk i poesi (Unicode)

Eg har hatt god nytte av metrikksymbola i særleg den siste eksamenen eg skreiv. Mange stader finn ein skrivemaskinaktige tilnærmingar til å syne metrikken i tekst, med å til dømes bruke ein u for ⏑ (brevis), men dette ser høgst uprofesjonelt ut. Som venta er alle desse symbola definert i Unicode, og i utgangspunktet skal alle symbol som brukast i verda ha sitt eige kodepunkt. For arsis (langt slag) brukar ein tankestrek (n-dash, U+2013) og for anceps (tvetydig lengde) brukar ein multiplikasjonsteiknet (U+00d7). Metoden for å legge inn teikna er like enkel i både LibreOffice (kontorprogramvarepakken for frie menneske) og Microsoft Office (for kapitalistiske slavar): Tast den heksadesimale koden og trykk Alt + X.

Heksadesimale (seks-og-ti) har seksten siffer frå 0 til f. 0–9 representerer verdiane 0–9 og a–f representerer verdiane 10–15. Det tosifra, heksadesimale talet af, til dømes, er i titalssystemet lik
[a = 10] × 16¹ = 10 × 1 = 160
+ [f = 15] × 16⁰ = 15 × 1 = 15
= 160 + 15 = 175

Om teiknet du står inntil er a eller e, kjem dette til å bli reikna med som del av talet. Dette kan du løyse med å taste åtte siffer, til dømes slik:

alliga00000306 [Alt + x] → alligă
alligă00000304 [Alt + x] → alligă̄

Dessverre ser ikkje dette ut til å virke når bokstaven du står inntil er U. I så høve anbefaler eg den glimrande sida Amp-What.com. Finn teiknet du vil ha (skriv namnet, Unicode-koden eller html-namnet, eller bare lim det inn, så får du opp alle treff. Klikk på boksen som har teiknet du vil ha, og klikk på det du ønsker å kopiere (teiknet, koden, namnet eller kva det måtte vere).

Ein samla oversikt over teikna er å finne gjennom Brill som ein gjev PDF (v. 1.0.3 26. 2008 av Pim Rietbroek), men eg attgjev han her for enkelheits skuld. I motsetnad til Brill, har eg oppgjeve riktig Unicode-namn på alle teikna heile vegen gjennom (trur eg, i alle fall), og eg har korrigert eit par oppføringar jf. M. L. West: Introduction to Greek Metre, Clarendon Press, Oxford, 1987.

Liste over metriske symbol til bruk i lyrikk

Symbol	Namn (i Unicode)	Funksjon	Unicode-kodepunkt
×	multiplication sign	anceps	00D7
⏑	metrical breve	breve/thésis	23D1
–	en dash	arsis/longum	2013 eller Alt+0150
⏒	metrical long over short	thésis som kan vere arsis	23D2
⏓	metrical short over long	arsis som kan vere thésis	23D3
⏔	metrical long over two shorts	to thésiser som kan vere arsis	23D4
⏕	metrical two shorts over long	arsis som kan vere to thésiser	23D5
◯◯	large circle	to posisjonar, minst ein lang	2 × 25EF
⏖	metrical two shorts joined	to thésiser som høyrer saman	23D6
⌒	arc	brevis in longō	2312
̭	space, combining circumflex accent below	catalexis-indikator	0020 032D
⁝	tricolon	ordsluttindikator	205D
|	vertical line	ordsluttindikator	007c
‖	double vertical line	periodeslutt eller -byrjing	2016
|||	3 × vertical line	strofeslutt eller -byrjing	3 × 007c
⊗	circled times	byrjing eller slutt på verk	2297
H	latin capital letter h	hiatus	0048 (eller berre tast H). Merk teiknet og formater det med sups=1.
∫	integral	svalehale, ɔ: ordslutt ein posisjon seinare	222B
~	tilde	«responsjon», ɔ: i svar med	007E
¨	diaeresis	anaklastisk	00A8
́	combining acute accent	ictus (slag)	0301
͡	combining double inverted breve	bru	0361. Denne er også gjev til å vise elisjonar.
⏗	metrical triseme	trisem (jf. –⏑)	23D7
⏘	metrical tetraseme	tetrasem (jf. ––)	23D8
⏙	metrical pentaseme	pentasem (jf [?])	23D9

Dei som brukar gode kontorprogramvarepakkar, som OpenOffice og LibreOffice, har moglegheit til å leggje til heile aspektet av OpenType-kommandoer i definisjonen av skrifta. Her er eit døme på korleis superskript H ser ut:

Aldri bruk superskript- eller subskript-knappane i programvarane; det einaste dei gjer er å flytte bokstaven opp eller ned og forminske han. Da får du linjer med feil strokbreidde og det ser på alle måtar ut som eit uprofesjonelt ungdomsskoledokument. Du gjer ikkje slikt; du er ein proff.